Poème: “Ballade IV” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade III
Ballade V > > >

Ballades I à LXXI

Ballade IV

***

     Comment se peut un povre cueur deffendre,
Quant deux beaulx yeulx le viennent assaillir.
Le cueur est seul, desarmé, nu et tendre,
Et les yeulx sont bien armez de plaisirs ;
Contre tous deux ne pourroit pié tenir,
Amour aussi est de leur aliance ;
Nul ne tendroit contre telle puissance.
     Il lui convient ou mourir ou se rendre,
Trop grant honte lui seroit de fuir.
Plus baudement les oseroit attendre,
S’il eust pavais dont il se peust couvrir ;
Mais point n’en a, si lui vault mieulx souffrir
Et se mettre tout en leur gouvernance :
Nul ne tendroit contre telle puissance.
     Qu’il soit ainsi bien me le fist aprandre
Ma maistresse, mon souverain désir.
Quant il lui pleut jà pieçà entreprandre
De me vouloir de ses doulx yeulx ferir :
Oncques depuis mon cueur ne peut guérir,
Car lors fut il desconfit à oultrance :
Nul ne tendroit contre telle puissance.

< < < Ballade III
Ballade V > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply