Poème: “Ballade LIX” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade LVIII
Ballade LX > > >

Ballades I à LXXI

Ballade LIX

***

     Je me souloye pourpenser
Au commencement de l’année,
Quel don je pourroye donner
À ma Dame la bien amée :
Or suis hors de ceste pensée,
Car Mort l’a mise soubz la lame,
Et l’a hors de ce monde ostée.
Je pry à Dieu qu’il en ait l’ame.
     Non pour tant, pour tousjours garder
La coustume que j’ay usée,
Et pour à toutes gens monstrer
Que pas n’ay ma Dame oubliée,
De messes je l’ay estrenée ;
Car ce me seroit trop de blasme
De l’oublier ceste journée,
Je pry à Dieu qu’il en ait l’ame.
     Tellement lui puist prouffiter
Ma prière que confortée
Soit son ame, sans point tarder,
Et de ses bienfais guerdonnée
En Paradis et couronnée
Comme la plus loyalle Dame
Qu’en son vivant j’aye trouvée ;
Je pry à Dieu qu’il en ait l’ame.

ENVOI

Quant je pense à la renommée
Des grans biens dont estoit parée,
Mon povre cueur de dueil se pasme ;
De lui souvent est regrettée,
Je pry à Dieu qu’il en ait l’ame.

< < < Ballade LVIII
Ballade LX > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply