Poème: “Ballade LXIX” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade LXVIII
Ballade LXX > > >

Ballades I à LXXI

Ballade LXIX

***

     J’ay fait l’obseque de ma Dame
Dedens le moustier amoureux,
Et le service pour son ame
A chanté Penser Doloreux ;
Mains sierges de Soupirs Piteux
Ont esté en son luminaire ;
Aussy j’ay fait la tombe faire
De Regrez, tous de lermes pains,
Et tout en tour, moult richement,
Est escript : Cy gist vrayement
Le tresor de tous biens mondains.
     Dessus elle, gist une lame
Faicte d’or et de saffirs bleux ;
Car saffir est nommé la jame
De Loyauté, et l’or eureux.
Bien lui appartiennent ces deux ;
Car Eur et Loyauté pourtraire
Voulu, en la tresdebonnaire.
Dieu qui la fist de ses deux mains
Et fourma merveilleusement.
C’estoit à parler plainement.
Le tresor de tous biens mondains.
     N’en parlons plus, mon cueur se pasme
Quant il oyt les fais vertueux
D’elle qui estoit sans nul blasme,
Comme jurent celles et ceulx
Qui congnoissoyent ses conseulx ;
Si croy que Dieu la voulu traire
Vers lui, pour parer son repaire
De Paradis, où sont les saints ;
Car c’est d’elle bel parement,
Que l’en nommoit communément
Le tresor de tous biens mondains.

ENVOI

De riens ne servent pleurs, ne plains ;
Tous mourrons, ou tart ou briefment ;
Nul ne peut garder longuement
Le tresor de tous biens mondains.

< < < Ballade LXVIII
Ballade LXX > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply