Poème: “Ballade LXVII” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade LXVI
Ballade LXVIII > > >

Ballades I à LXXI

Ballade LXVII

***

     Mon cueur dormant en Non Chaloir,
Resveilliez vous joyeusement,
Je vous fais nouvelles savoir,
Qui vous doit plaire grandement ;
Il est vray que presentement
Une Dame treshonnorée
En toute bonne renommée.
Desire de vous acheter,
Dont je suy joyeulx et d’accort ;
Pour vous, son cueur me veult donner
Sans departir, jusqu’à la mort
     Ce change doy je recevoir
En grant gré, tresjoyeusement :
Or, vous charge d’entier povoir
Si chier et tant estroittement
Que je puis, plus que loyaument
Soit par vous cherie et amée ;
Et, en tous lieux, nuit et journée
L’acompaigniez, sans la laissier,
Tant que j’en aye bon rapport ;
Il vous convient sien demourer,
Sans departir, jusqu’à la mort.
     Alez vous logier ou manoir
De son tresgracieux corps gent,
Pour y demeurer main et soir,
Et l’onnourer entierement.
Car, par son bon commandement,
Lieutenant vous veult ordonner
De son cueur, en joyeulx déport
Pensés de bien vous gouverner,
Sans departir, jusqu’à la mort.

< < < Ballade LXVI
Ballade LXVIII > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply