Poème: “Ballade LXX” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade LXIX
Ballade LXXI > > >

Ballades I à LXXI

Ballade LXX

***

     Puis que Mort a prins ma maistresse,
Que sur toutes amer souloye,
Mourir me convient en tristesse,
Certes plus vivre ne pourroye.
Pource, par deffaulte de joye
Tresmalade, mon testament
J’ay mis en escript doloreux,
Lequel je présente humblement
Devant tous loyaulx amoureux.
     Premierement, à la haultesse
Du Dieu d’Amours donne et envoye
Mon esperit, et en humblesse
Lui supplie qu’il le convoye
En son Paradis et pourvoye ;
Car je jure que loyaument
L’a servi de vueil désireux ;
Advouer le puis vrayement
Devant tous loyaulx amoureux.
     Oultre plus, vueil que la richesse
Des biens d’Amours qu’avoir souloye
Departie soit, à largesse,
À vrais amans, et ne vouldroye
Que faulx amans, par nulle voye,
En eussent part aucunement ;
Oncques n’euz amistié à eulx ;
Je le prans sur mon sauvement
Devant tous loyaulx amoureux.

ENVOI

Sans espargnier or, ne monnoye,
Loyaulté veult qu’enterré soye
En sa chapelle grandement ;
Dont je me tiens pour bien eureux,
Et l’en mercie chierement
Devant tous loyaulx amoureux.

< < < Ballade LXIX
Ballade LXXI > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply