Poème: “Ballade V” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Entendit de la ditte obligation par maistre Jehan Caillau
Ballade VI > > >

Ballades V à XXV

Ballade V

***

     En la forest de longue attente,
Chevauchant par divers sentiers
M’en voys, ceste année présente,
Ou voyage de Desirirs.
Devant sont allez mes fourriers
Pour appareiller mon logis
En la cité de Destinée ;
Et pour mon cueur et moy ont pris
L’ostellerie de Pensée.
     Je mayne des chevaulx quarente
Et autant pour mes officiers,
Voire, par Dieu, plus de soixante,
Sans les bagaiges et sommiers.
Loger nous fauldra par quartiers,
Se les hostelz sont trop petis
Touteffoiz pour une vesprée
En gré prendray, soit mieulx ou pis,
L’ostellerie de Pensée.
     Je despens chascun jour ma rente
En maintz travaulx avanturiers,
Dont est Fortune mal contente
Qui soutient contre moy Dangiers ;
Mais Espoirs, s’ilz sont droicturiers
Et tiennent ce qu’ilz m’ont promis,
Je pense faire telle armée,
Qu’auray, malgré mes ennemis,
L’ostellerie de Pensée.

ENVOI

Prince, vray Dieu de paradis,
Vostre grace me soit donnée,
Telle que treuve à mon devis,
L’ostellerie de Pensée.

< < < Entendit de la ditte obligation par maistre Jehan Caillau
Ballade VI > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades V à XXV

***

Leave a comment Cancel reply