Akirill.com

Poème: “Ballade VII” de Charles d’Orléans

Poésies complètes, Flammarion, 1915
Poésies attribués à Charles d’Orléans

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade VI
Ballade VIII > > >

Ballades diverses

Ballade VII

***

     En ceste nouvelle saison
Qui remplist jeunes cuers de joye
Et qu’Amours sault de sa maison
Pour conquester aucune proye
Nulle riens n’ay qui me guerroye
Se non Jeunesse qui me prie
D’estre amoureux plus c’oncques mais,
Mais ainsi ne seray je mie :
Il me vault mieulx tenir en paix.
     Je ne congnois point d’achoison
Pourquoy son conseil croire doye
En elle n’a riens de Raison.
Pour trop fol doncques me tiendroye
S’après elle me gouvernoye.
Quel besoing est que je me lie
Quant je suis franc en tous mes fais !
Pardieu, ce seroit grant folie
Il me vault mieulx tenir en paix.
     Je suis de ceste entencion
Et seray quelque part que soye,
Mais Dieu me gart de la prison
Qu’Amours souventeffoys m’envoie
Par mes yeulx qui trop vont en voye ;
Combien que souvent je leur die
Qu’ilz font mal, dont je leur desplais ;
Pour ce, pour avoir d’eulx maistrie,
Il me vault mieulx tenir en paix.

ENVOI.

     J’ay essaié, toute ma vie,
Qu’est de porter amoureux faiz,
Pourquoy congnois, sans mocquerie,
Il me vault mieulx tenir en paix.


< < < Ballade VI
Ballade VIII > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur –  Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

© 2025 Akirill.com – All Rights Reserved

Leave a comment