Poème: “Ballade X” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade IX
Ballade XI > > >

Ballades III à XI

Ballade X

***

     Mon chier cousin, de bon cueur vous mercie
Des blancs connins vous m’avez donnez ;
Et oultre plus, pour vray vous certiffie,
Quant aux connins que dittes qu’ay amez,
Ilz sont pour moy, plusieurs ans a passez,
Mis en oubly ; aussi mon instrument
Qui les servoit, a fait son testament
Et est retrait et devenu hermite ;
Il dort tousjours, à parler vrayment.
Comme celui qui en riens ne prouffite.
     Ne parlez plus de ce, je vous en prie,
Dieux ait l’ame de tous les trespassez !
Parler vault mieulx, pour faire chiere lye,
De bons morceaulx et de frians pastez,
Mais qu’ilz soient tout chaudement tastez ;
Pour le present, c’est bon esbatement ;
Et qu’on ait vin pour nettier la dent ;
En char crue mon cueur ne se delitte.
Oublions tout le vieil gouvernement,
Comme cellui qui en riens ne prouffite.
     Quant Jeunesse tient gens en seigneurie,
Les jeux d’amours sont grandement prisez ;
Mais Fortune qui m’a en sa baillie,
Les a du tout de mon cueur deboutez,
Et desormais, vous et moi excusez.
De tels esbatz serons legierement,
Car faiz avons nos devoirs grandement
Ou temps passé. Vers Amours me tiens quicte.
Je n’en vueil plus, mon cueur si s’en repent
Comme cellui qui en riens ne prouffite.

ENVOI.

Vieulx soudoiers avecques jeune gent
Ne sont prisiez la valeur d’une mitte ;
Mon office resine plainement,
Comme cellui qui en riens ne prouffite.

< < < Ballade IX
Ballade XI > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades III à XI

***

Leave a comment Cancel reply