Poème: “Ballade XIV” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade XIII
Ballade XV > > >

Ballades V à XXV

Ballade XIV

***

     Fortune, je vous oy complaindre
Qu’on vous donne renom, à tort,
De savoir et aider et faindre,
Donnant plaisir et desconfort ;
C’est vray, et, encore plus fort,
Souventesfoiz, contre raison,
Boutez de hault plusieurs en bas,
Et de bas en hault ; telz debas
Vous usez en vostre maison.
     Bien savez de Plaisance paindre
Et d’Espoir, quand prenez depport,
Après effacer et destaindre
Toute joye, sans nul support,
Et mener à douloureux port,
Ne vous chault en quelle saison.
Jamais vous n’ouvrez par compas ;
Beaucoup pis que je ne dy pas
Vous usez en vostre maison.
     Pour Dieu, vueilliez vous en reffraindre,
Affin qu’on ne face rapport,
Qui vouldra vostre fait attaindre,
Que vous soyez digne de mort.
Vostre manière chascun mort,
Plus qu’autre, sans comparaison ;
Qui regarde par tous estas,
Anuy et meschief, à grant tas,
Vous usez en vostre maison.

ENVOI

Ne jouez plus de vostre sort.
Car trop le passez oultre bort,
Se gens ne laissiez en pais, on
Appellera les advocas,
Qui plaideront que tresfaulx cas
Vous en usez en vostre maison.

< < < Ballade XIII
Ballade XV > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades V à XXV

***

Leave a comment Cancel reply