Poème: “Ballade XLIX” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade XLVIII
Ballade L > > >

Ballades I à LXXI

Ballade XLIX

***

     J’ay mis en escript mes souhais
Ou plus parfont de mon penser ;
Et combien, quant je les ay fais,
Que peu me pevent profiter,
Je ne les vouldroie donner
Pour nul or qu’on me sceust offrir,
En espérant, qu’au par aler.
De mille l’un puist avenir.
     Par la foy de mon corps ! jamais
Mon cueur ne se peut d’eulx lasser ;
Car si richement sont pourtrais
Que souvent les vient regarder
Et s’y esbat pour temps passer,
En disant par ardent desir :
Dieu doint que, pour me conforter,
De mille l’un puist avenir !
     C’est merveille, quant je me tais,
Que j’oy mon cueur ainsi parler ;
Et tient avec Amour ses plais,
Que tousjours veult acompaignier ;
Car il dit que des biens d’amer
Cent mille lui veult departir ;
Plus ne quier, mais que, sans tarder,
De mille l’un puist avenir.

ENVOI

Vueilliez à mon cueur accorder,
Sans par parolles le mener,
Amour, que, par vostre plaisir,
Des biens que lui voulez donner
De mille l’un puist avenir.

< < < Ballade XLVIII
Ballade L > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply