Poème: “Ballade XV. Bourgogne à Orléans” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade XIV. Orléans à Bourgogne
Ballade XVI. Orléans à Bourgogne > > >

Ballade XV.
Bourgogne à Orléans

***

     De cueur, de corps et de puissance.
Vous mercie treshumblement
De vostre bonne souvenance
Qu’avec de moy soingneusement ;
Or povez faire entierement
De moy, en tout bien et honneur.
Comme vostre cueur le propose,
Et de mon vouloir soyez seur,
Quoy que nul dye, ne deppose.
     Ne mettés point en oubliance
L’estat et le gouvernement
De la noble maison de France,
Qui se maintient piteusement ;
Vous saurez tout, quoy et comment ;
Je n’en dy plus pour le meilleur,
Mais on en dit tant et expose
Que c’est à oïr grant orreur,
Quoy que nul dye, ne deppose.
     Pensez à vostre délivrance.
Je vous en prie chierement ;
Car, sans ce, je n’ay esperance
Que nous ayons paix nullement,
On la heit tant mortellement
Que trop peu trouve de faveur.
Ne fera, comme je suppose,
Se ce n’est par vostre labeur.
Quoique nul dye, ne deppose.

ENVOI.

Or prions Dieu, par sa doulceur,
Qu’à vous delivrer se dispose,
Car trop avez souffert douleur,
Quoy que nul dye, ne deppose.

< < < Ballade XIV. Orléans à Bourgogne
Ballade XVI. Orléans à Bourgogne > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballade XV. Bourgogne à Orléans

***

Leave a comment Cancel reply

Ballade XV.
Bourgogne à Orléans