Poème: “Ballade XVII” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade XVI
Ballade XVIII > > >

Ballades I à LXXI

Ballade XVII

***

     En ce joyeux temps du jour d’uy
Que le mois de may ce commance,
Et que l’en doit laissier Ennuy,
Pour prandre Joyeuse Plaisance,
Je me treuve, sans recouvrance,
Loingtain de Joye conquester ;
De Tristesse si bien renté
Que j’ay, je m’en puis bien vanter,
Le rebours de ma voulenté.
     Las ! Amours, je ne voy nulluy
Qui n’ait aucune souffisance,
Fors que moy seul qui suis celluy
Qui est le plus dolent de France.
J’ay failly à mon espérance ;
Car quant à vous me voulz donner
Pour estre vostre sermenté,
Jamais ne cuidoye trouver
Le rebours de ma voulenté.
     Au fort, puis qu’en ce point je suy,
Je porteray ma grant penance,
Ayant vers Loyauté refuy
Où j’ay mis toute ma fiance.
Ne Dangier qui ainsi m’avance,
Quelque mal que doye porter,
Combien que trop m’a tourmenté,
Ne pourra jà en moy bouter
Le rebours de ma voulenté.

ENVOI

D’aucun reconfort accointer
Plusieurs foys m’en suy dementé ;
Mais i’ay tousjours, au par aler,
Le rebours de ma voulenté.

< < < Ballade XVI
Ballade XVIII > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply