Poème: “Ballade XXV” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballade XXIV
Ballade XXVI > > >

Ballades I à LXXI

Ballade XXV

***

     Mon cueur a envoyé querir
Tous ses bien vueillans et amis,
Il veult son grant conseil tenir
Avec eulx, pour avoir advis
Comment pourra ses ennemis,
Soussy, Dueil et leur aliance,
Surmonter et tost deconfire,
Qui desirent de le destruire
En la prison de Desplaisance.
     En desert ont mis son plaisir,
Et joye tenue en pastis ;
Mais Confort lui a, sans faillir,
De nouvel loyaument promis
Qu’ilz seront deffais et bannis ;
De ce se fait fort Espérance,
Et plus avant que n’ose dire ;
C’est ce qui estaint son martire
En la prison de Desplaisance.
     Briefment voye le temps venir,
J’en prie à Dieu de paradis.
Que chascun puist vers son desir
Aler sans avoir saufconduis.
Adonc Amour et ses nourris
Auront de Dangier moins doubtance.
Et lors sentiray mon cueur rire
Qui à present souvent souspire
En la prison de Desplaisance.

ENVOI

Pource que véoir ne vous puis,
Mon cueur se complaint jours et nuis
Belle nompareille de France,
Et m’a chargié de vous escrire
Qu’il n’a pas tout ce qu’il desire
En la prison de Desplaisance.

< < < Ballade XXIV
Ballade XXVI > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades I à LXXI

***

Leave a comment Cancel reply