Poème: “Ballades XXI. Orléans à Bourgogne” de Charles d’Orléans

Poésies complètes, Flammarion, 1915

Télécharger PDF

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans
< < < Ballades XX. Orléans à Bourgogne
Ballade XXII > > >

Ballades XXI.
Orléans à Bourgogne

***

Pource que je suis present
Avec la gent vostre ennemie,

Il fault que je face semblant,
Faignant que ne vous ayme mie :
Non pour tant, je vous certiffie,
Et vous pri que vueillez penser
Que je seray, toute ma vie,
Vostre loyaument, sans faulser.
     Tous maulx de vous je voiz disant,
Pour aveugler leur faulse envie ;
Non pour tant, je vous ayme tant,
Ainsi m’aid la Vierge Marie,
Que je pry Dieu qu’il me mauldie,
Se ne trouvez, au par aler.
Que vueil estre, quoy que nul die,
Vostre loyaument, sans faulser.
     Faignez envers moy mal talant,
À celle fin que nul n’espye
Nostre amour, car par ce faisant,
Sauldray hors du mal qui m’anuye.
Mais faittes que Bonne Foy lye
Nos cueurs, qu’ilz ne puissent muer,
Car mon vouloir vers vous se plye,
Vostre loyaument, sans faulser.
     Vous et moy avons maint servant
Que Convoitise fort mestrie ;
Il ne fault pas, ne tant ne quant,
Qu’ilz saichent nostre compaignie ;
Peu de nombre fault que manye
Noz fais secrez par bien celer,
Tant qu’il soit temps que me publie
Vostre loyaument, sans faulser.
     Tout mon fait saurez plus avant
Par le porteur en qui me fye ;
Il est léal et bien saichant,
Et se garde de janglerye.
Créez le, de vostre partie,
En ce qu’il voas doit raconter ;
Et me tenez, je vous en prie,
Vostre loyaument, sans faulser.

ENVOI.

Dieu me fiere d’espidimie,
Et ma part es cieulx je renye,
Se jamais vous povez trouver
Que me faigne, par tromperie,
Vostre loyaument, sans faulser.

< < < Ballades XX. Orléans à Bourgogne
Ballade XXII > > >

Littérature française – Livres bilingues – Contes de fées et Livres d’enfants – Poésie Française – Charles d’Orléans – Poèmes de Charles d’Orléans

Détenteurs de droits d’auteur – Domaine public

Si vous avez aimé ce poème, abonnez-vous, mettez des likes, écrivez des commentaires!
Partager sur les réseaux sociaux
Trouvez-nous sur Facebook ou Twitter

Consultez Nos Derniers Articles

Poésies complètes, Flammarion, 1915

Ballades XXI. Orléans à Bourgogne

***

Leave a comment Cancel reply

Ballades XXI.
Orléans à Bourgogne